Ùghdaran Bhatarsaigh agus na Raiders


 

Bhatarsaigh agus na Raiders Gaelic book

Lisa Storey – fiosrachadh goirid

Tha Lisa (Lisy Dhonnchaidh Mhòir) à Bhatarsaigh.  Rugadh agus thogadh i ann.  Bha a h-athair na ‘raider’ (chaidh e don phrìosan ann an Dùn Èideann an 1908, còmhla ri naoinear eile) agus tha beagan eòlais aice air cuspair an leabhair ceangailte ris a' bhlog seo.   

Nuair a bha i ag obair aig Sgoil Eòlais na h-Alba anns na 1960an, bhiodh i a' dol dhachaigh agus bha i an-sàs ann an clàraidhean le muinntir an àite leithid Nan Eachainn (neo Nan NicFhionghuin mar a chanas feadhainn rithe).  'S e 'endogenous research' a tha cuid a' toirt air a seo.

Tha Lisa air grunn leabhraichean a sgrìobhadh agus tha i air a bhith an-sàs ann am  foillseachadh airson iomadach bliadhna.  

Mar eisimpleir, bha i os cionn CLÀR, companaidh foillseachaidh Gàidhlig, eadar 1996-2021 (25 bliadhna).  Rinn iad grunn leabhraichean.  Tha Lisa air sgur aig CLÀR a-nis - tha iad air dealachadh gu càirdeil - ach tha i fhathast an luib Leabhraichean Beaga (stèidhichte 1986) agus Clò Phabaigh (2022).  

Am measg na leabhraichean a rinn i thar nam bliadhnachan, chuir i ri chèile D.M.N.C.: sgrìobhaidhean Dhòmhnall Mhic na Ceàrdaich (CLÀR, 2014) agus sgrìobh i Muinntir Mhiughalaigh (CLÀR, 2007).

'S i bha a’ teagasg an Inbhir Nis aig an toiseach (agus a' strì gus sgoil Ghàidhlig fhaighinn) nuair a chaidh foghlam tro mheadhan na Gàidhlig a chur air dòigh an Inbhir Nis agus Glaschu an 1985.

Eadar 2014-2018, bha i an luib iomairt strì gaidhlig-tv, ceangailte ri Gàidhlig agus BBC ALBA - a' feuchainn ri cur às do na fo-thiotalan Beurla loisgte agus a' strì gus barrachd Gàidhlig fhaicinn - agus a chluinntinn - anns na prògraman.   Bha leithid Aonghas Dubh MacNeacail, Aonghas Pàdraig Caimbeul, Tove Skutnabb-Kangas, Robert Phillipson, Ishi NicIlleathain agus Robbie Anndra MacLeòid an-sàs ann còmhla rithe.

Tha Lisa a’ fuireach an Inbhir Nis. 

Aonghas MacLeòid – fiosrachadh goirid

Buinidh Aonghas MacLeòid do dh’Inbhir Nis agus Barraigh (mac Christine Chaluim a Dot).   Choisinn  Aonghas dotaireachd aig Oilthigh Ghlaschu air dàin fada ann am bàrdachd an 20mh Linn. Rinn e rannsachadh cuideachd air an sgrìobhadair Barrach Dòmhnall Mac na Ceàrdaich (D.M.N.C.) mar phàirt den cheum maighstireachd aige.

Tha ùidh mhòr aig Aonghas ann an litreachas, poilitigs agus eachdraidh.   Thòisich e bhith ag obair ann am poilitigs ann an 2007, agus tha e fhathast ag obair mar rannsaichear agus neach-taic sgìreil. Bha e na Rùnaire Nàiseanta air Pàrtaidh Nàiseanta na h-Alba bho 2016-2020.

Ged a chaidh a thogail air Tìr-Mòr bha e tric a' tadhail air a chàirdean ann an Àird Mhòr agus Bruairnis. Tha e air a bhith na neach-taic don deasaichear air an iris cliùitich Èireannaich Irish Pages.

Tha Aonghas a’ fuireach ann an Glaschu.

www.bhatarsaigh.com

 

 

 

 

 
 

Comments

Post a Comment

Popular posts from this blog

Gnothach eadar-nàiseanta - international

Image
Beagan fiosrachaidh, mar thoiseach-toiseachaidh air a' bhloga seo, do dhaoine aig nach eil Gàidhlig: Bhatarsaigh agus na Raiders How much do we value our island communities around the world? Most people provide a fairly positive response to such a question.  Politicians and leaders are often strident in their enthusiasm: "Yes, of course, island communities matter."   But how successfully do our well-meaning approaches translate into action?   How effective, for example, are local and central government efforts in  promoting long-term island sustainability?  How are minoritised languages affected? Are we going about our efforts in the right way?   The international challenges for island communities in the 21st Century are significant.  As the scholars John E. Hay, Donald L. Forbes and Nobuo Mimura suggest "global change in a variety of forms impinges directly or indirectly on the environment and sustainability of these island communities." T...
Read more

LÈIRMHEAS - BHATARSAIGH AGUS NA RAIDERS

Image
  AONGHAS PÀDRAIG CAIMBEUL  1/3       WEST HIGHLAND FREE PRESS - AM PÀIPEAR BEAG Bhuannaich Aonghas Pàdraig Caimbeul Duais 'Neachd-sgrìobhaidh Gàidhlig na Bliadhna' aig Duaisean nam Meadhanan an Inbhir Nis ann an 2023, agus bha an lèirmheas seo mar phàirt den fhianais do na britheamhan.   Seo pàirt a h-aon à trì gu h-ìseal (tuilleadh ri thighinn anns na mìosan a tha romhainn). Beachd mionaideach bho Aonghais Phàdraig air an leabhar, agus na cuspairean ceangailte ris. BHATARSAIGH AGUS NA RAIDERS  - LÈIRMHEAS  (PÀIRT A H-AON À TRÌ) Tha leabhar beag grinn ùr air nochdadh a mholainn dhuibh uile fhaighinn agus a leughadh: ‘Bhatarsaigh agus na Raiders’, air a sgrìobhadh le Lisa Storey, le caibideal air poileataics an ama bho Aonghas MacLeòid (mac Christine Chaluim an Dot) a bhuineas do Bharraigh agus Inbhir Nis, ach a tha a’ fuireach ann an Glaschu. Buinidh Lisa Storey fhèin do Bhatarsaigh ged a thàinig a cuideachd bho thùs à Eilean Mhiughalaig...
Read more